|
༄༅། །བལ་ཡུལ་ཀོ་པན་དཔལ་འོག་མིན་བྱང་ཆུབ་ཆོས་གླིང་གྲྭ་ཚང་དུ་འབྲིང་རིམ་བོད་ཡིག་དགེ་རྒན་གཅིག་དང་དམའ་རིམ་ཨང་རྩིས་དགེ་རྒན་གཅིག་གི་ས་མིག་སྟོང་པ་ཡོད་པའི་སྙན་ཞུ་འབུལ་འདོད་ཡོད་མཁན་རྣམས་ནས་གཤམ་གསལ་ལྟར་ཤེས་ཚད་ལྡན་པ་དགོས་རྒྱུ། ཆ་རྐྱེན་ནམ་ཤེས་ཚད། འབྲིང་རིམ་བོད་ཡིག་དགེ་རྒན། ༡༽འབྲིང་རིམ་བོད་ཡིག་དགེ་རྒན་ཤེས་ཚད་དུ་སློབ་དཔོན་(Acharya/ M.A)ནམ་བསྟན་བཅོས་(Shastri/B.A)ཡང་ན་དེ་མཚུངས་མཐོ་རིམ་སློབ་གྲྭ་གང་རུང་ནས་ཤེས་ཚད་མཉམ་པའི་ཕྱག་འཁྱེར་ཡོད་པ་དགོས་རྒྱུ། གལ་ཏེ་གོང་གསལ་ཕྱག་འཁྱེར་དེའི་ཐོག་དགེ་རྒན་འོས་སྦྱོང་གི་སྦྱོང་བརྡར་ཞུ་མྱོང་ཡོད་ཚེ་དམིགས་བསལ་དགོངས་བཞེས་གནང་རྒྱུ། ཆ་རྐྱེན་ནམ་ཤེས་ཚད། དམའ་རིམ་ཨང་རྩིས་དགེ་རྒན། ༢༽ དམའ་རིམ་ཨང་རྩིས་དགེ་རྒན་ཤེས་ཚད་དུ་བསྟན་བཅོས་(Shastri/B.A)སམ་བསྟན་བཅོས་(XII)ཡང་ན་དེ་མཚུངས་མཐོ་རིམ་སློབ་གྲྭ་གང་རུང་ནས་ཤེས་ཚད་མཉམ་པའི་ཕྱག་འཁྱེར་ཡོད་པ་དང༌། དབྱིན་སྐད་རང་སྐྱ་འཕེར་བ་ཞིག་དགོས་རྒྱུ། གལ་ཏེ་གོང་གསལ་ཕྱག་འཁྱེར་དེའི་ཐོག་དགེ་རྒན་འོས་སྦྱོང་གི་སྦྱོང་བརྡར་ཞུ་མྱོང་ཡོད་ཚེ་དམིགས་བསལ་དགོངས་བཞེས་གནང་རྒྱུ། ༣༽ ཚོགས་པ་གཞན་དུ་ཕྱག་ལས་གནང་མུས་ཡིན་ཚེ་དེ་ལས་གོང་གསལ་ས་མིག་དེར་ཕྱག་ལས་གནང་རྒྱུར་དགག་བྱ་མེད་པའི་ངོས་སྦྱོར་དགོས་རྒྱུ། གོང་གསལ་ས་མིག་ཐོག་ཕོགས་ཐོབ་ནི་བལ་ཡུལ་ནང་གི་སློབ་གྲྭ་ཁག་གི་དགེ་རྒན་དང་མཉམ་པ་ཐོབ་རྒྱུ་ཡིན་པའི་འཚང་སྙན་འབུལ་བློ་ཡོད་རིགས་ནས་འདི་གའི་ཤེས་ཡོན་འགན་འཛིན་གྱི་མཚན་ཐོག་༢༠༠༩ ཟླ་༡ ༢༡ འགྱངས་མེད་གོང་གསལ་ཡིག་ཆ་རྣམས་ཀྱི་ངོ་བཤུས་དག་མཆན་ཞུས་ཏེ་གཤམ་གསལ་ཞལ་བྱང་ཐོག་སྙན་ཞུ་འབུལ་གནང་ཡོད་པ་ཞུ། བལ་ཡུལ་ཀོ་པན་དཔལ་འོག་མིན་བྱང་ཆུབ་ཆོས་གླིང་གྲྭ་ཚང་ནས་ཕྱི་ལོ་༢༠༠༨ ཟླ་༡༢ ཚེས་༣༠ ལ།། To,
The Headmaster
Kopan Monastery
G.P.Box no.817
Kathamandu Nepal. E-mail:
This e-mail address is being protected from spambots, you need JavaScript enabled to view it
,
Contect Phone:
no-00977-1-4820756, 4820567 |
གཞུང་སྒེར་གསལ་བསྒྲགས།
